القائمة الرئيسية

الصفحات

خمس خطوات لتحقيق 4000 ساعة مشاهدة لقناتك على يوتيوب

خمس خطوات لتحقيق 4000 ساعة مشاهدة لقناتك على يوتيوب

 خمس خطوات لتحقيق 4000 ساعة مشاهدة لقناتك على يوتيوب

فى المقال دا هقولك على كام طريقة كدا ممكن تستغلهم صح ، عشان توصل لتحقيق أربع آلاف ساعة مشاهدة على يوتيوب .

عشان تقدر تقدم قناتك فى أدسنس وتبدأ تستغل المحتوى بتاعك إللى بتقدمة على القناة فى تحقيق ربح من منصة اليوتيوب عن طريق إعلانات الشركات .

يوتيوب حدد حد أدنى من الشروط إللى لازم تكون قناتك إستوفتها للإنضمام لبرنامج الأدسنس .


شروط الإنضمام إلى برنامج شركاء اليوتيوب ؟

  • لازم تلتزم بكل سياسات اليوتيوب اللى ممكن نتكلم عنها بعدين 
  • كمان لازم تكون مقيم فى دولة بتتوفر فيها برنامج شركاء اليوتيوب 
  • وكمان يكون على قناتك 1000 إشتراك على الأقل 
  • والشرط إللى المقال هيتكلم عنه إن القناة تحصد أربع آلاف ساعة مشاهدة 


خمس أفكار هتقدر من خلالهم تحصد أربع آلاف ساعة مشاهدة 


أول فكرة :- لازم تكون الفيديوهات إللى هتقدمها على القناة متصلة ببعضها ومكملة لموضوع واحد ، يعنى الفيديوهات تكون متتابعة بتشرح مجال واحد بتقسمة على أجزاء بسيطة كل فيديو بيحتوى على جزئ واحد ، دا هيخليك تعمل بلاى ليست شيق للمتابع وهتخلية كمان ميدورش كتير جوة القناة هو مهتم بفكرة معينة هيدخل عندك هيلاقى بلاى ليست كامل بيشرح الفكرة أكيد كدا هيكمل الشرح وممكن يكمل البلاى ليست بتاعتك فى خلال كام يوم .


تانى حاجة :- إستغل (youtube cards  ) إللى هى علامة (i) إللى بتظهر فى جانب الفيديو من أعلى اليمين ، ممكن تراجع تحليل الفيديوهات وتشوف فى أى دقائق المتابع بيخرج ويقفل الفيديو وتعمل بقى الفيديوهات دى تظهر قبل خروج المتابع بعشر ثوانى ، وكمان ممكن تضيف العلامات دى للفيديوهات بتاعتك السابقة عن الحاجة إللى بتتكلم عنها فى الفيديو بحيث مع كل فكرة هتتكلم عنها لو عندك فيديو سابق ليها تقدر تظهرة خلال الفيديو إللى شغال وتخلى المتابع يقضى أكبر وقت داخل القناة .


تالت حاجة :- أول كومنت إستغل أول كومنت دا وضيف فية لينكاتك ممكن تضيف لينك أى بلاى ليست مميز فى قناتك ولينكات منصات التواصل الإجتماعى بتاعتك ولينك الموقع بتاعك . لأن أول كومنت دا بيتشاف كتير لأن أى حد بيتابع أى حاجة بينزل يشوف المصادر أو آراء الناس فى المحتوى المنشور .

رابع حاجة :- أنشئ بلاي ليست مكمل لبلاي ليست تانى يعنى مثلا ممكن تعمل بلاى ليست بيتكلم عن (مشكلات الأرشفة فى ووردبريس ) وبلاى ليست تانى بيتكلم عن ( السيو ) ، أكيد المتابع إللى داخل يشوف مشكلات الأرشفة هيبقى مهتم بقواعد السيو بكدا بقى إنت إستغليت المتابع وقدرت تحصد أكبر وقت من المشاهدة وكمان تفيد المتابع بتاعك .

آخر حاجة :- إطلع لايف كتير بس لازم تكون عندك الجرأة إنك تتكلم قدام الكاميرا وتقدر توصل معلومة وأهم من دا كلة خلى المحتوى إللى بتشتغل علية هادف يفيد الناس وبلاش الإستنساخ وتقليد الأفكار وإبعد عن الأفكار إللى بتدمر المجتمع عشان متكونش سبب فى حاجة غلط أو حرام . 



***********************


***********************

هل اعجبك الموضوع :
author-img
المدير المالى لشركة katilo for dairy products-ca- بمحافظة القاهرة، صانع محتوى محترف ومدير لصفحات السوشيال ميديا ومواقع الويب للعديد من الشركات بمدينة المنصورة ومحافظة دمياط ، مهتم بمجال website design and development ، عضو فى جود فيوتشر لخدمات الشركات ورجال الأعمال .

تعليقات