القائمة الرئيسية

الصفحات

 
عن دوائرنا الإيجابية

عن دوائرنا الإيجابية

من أهم الأشياء التى يتعامل معها الأشخاص بطرق خاطئة الحالة النفسية والمزاجية للشخص سواء نفسك أو الشخص الذى تتعامل معه .
ضرورة التواصل اليومى والتعامل فى ظل التطور الحالى فى البيئة التى تحيط بنا سواء تطور الجانب التقنى أو الإجتماعى وغيرها نتج عنه طفرة عظيمة فى مختلف الجوانب ولكن أدى إلى ظهور الكثير من النتائج السلبية الأخرى كالوحدة والإنعزال وغيرها من النتائج السلبية اللى للأسف كتير جداً .
طب فى ظل بقى التعامل المفروض علينا ويعتبر كتير مننا مجبرين علية سواء فى الشغل أو الشارع أو فى أى مكان تانى هنلاقى دواير كتير جداً سلبية ولازم نتعامل معاها زى القلق والتوتر والعصبية والنرجسية والأنانية وغيرها .
دول بقى حبة حاجات كدا ممكن تاخد بإيدك وتساعدك إنك تفضل محافظ على المود بتاعك فى وسط الدواير السلبية الكتير دى ، بالعكس كمان إنت ممكن تكون مصدر أمل وبهجة لغيرك وربنا يجزيك خير كمان على الأقل لو بإبتسامة .

ما هى دوائرنا الإيجابية ؟


أولاً :- الإهتمام بالجانب الإجتماعى فى حياتك .

كلنا بنكون مضغوطين فى الشغل أو فى السفر أو فى حاجات كتير بتخلينا نبعد عن أهلنا وتقلل الأوقات اللى بنقعد معاهم فيها ودا على مدى مش بعيد أوى هيحسسك بالوحدة والإنطوائية .

ثانياً :- الضحك .

ليه تأثير سحرى بس لما يكون من القلب ودا مش هتلاقية غير وإنت فى وسط الناس اللى بتحبهم وبيحبوك .

ثالثاً :- إتعلم إزاى تتعامل مع القلق .

فى ناس بتفضل تقلق وتتوتر لحد مبتوصل لدرجة إنها بتكون قلقانة من القلق اللى جواها دا حتى ممكن يكون من غير سبب واضح وللأسف ممكن توصل معاهم لحالة مرضية زى القولون .

رابعاً :- مشروب الطاقة "النفسية" .

 سواء بقى كان فنجان قهوة أو شيكولاتة أو أى حاجة بتحبها وبتحب تبدأ يومك بيها .

خامساً :- وقت لنفسك .

خصص كدا جزء من يومك وإفصل من العالم اللى حواليك والشغل والبيت والخروجات وإقعد مع نفسك وفكر فى الأول هتلاقى مشاكل كتير جواك وعقد وبلاوى كتير قوى بس لما تتعود على الموضوع دا الحاجات دى هتتحل واحدة واحدة وبعدين تلاقيك بدأت تعمل حاجات جديدة زى إنك تقرأ أو أى حاجة هتعرفها فى نفسك وتكتشف إنك بتحبها لأن كل واحد جواه حاجات كتير بس ممكن يكون هو مش عارف يوصلها .

سادساً :- إكسر الروتين .

فى أى حاجة فى حياتك متتعودش على نمط واحد مبيتغيرش عشان دا بمرور الوقت بيقتل الشغف اللى جواك وبيطفيك .

سابعاً :- أهدافك .

حدد أهداف لوجودك وإبدأ في تنفيذها بس حاول تخليها واقعية وقابلة للتحقيق ومناسبة ليك ببساطة هتخلق جواك شغف وطاقة نتيجة الدافع اللى الهدف بناه جواك .

أخيراً :- مساعدة الأخرين .

الحب ومساعدة الناس اللى حواليك هتعرفك يعنى اية سعادة وهتخليك تدوق طعم الرضا فى حياتك .


***********************


***********************

هل اعجبك الموضوع :
author-img
المدير المالى لشركة katilo for dairy products-ca- بمحافظة القاهرة، صانع محتوى محترف ومدير لصفحات السوشيال ميديا ومواقع الويب للعديد من الشركات بمدينة المنصورة ومحافظة دمياط ، مهتم بمجال website design and development ، عضو فى جود فيوتشر لخدمات الشركات ورجال الأعمال .

تعليقات