القائمة الرئيسية

الصفحات

أهم أفكار الديكور للتصميم والفرش





أهم أفكار الديكور للتصميم والفرش

أهم أفكار الديكور للتصميم والفرش   


أهم أفكار الديكور للتصميم والفرشأهم أفكار الديكور للتصميم والفرش


الكهرباء 

إشتغل بسلك السويدى الأصلى فى التأسيس .

خلى الإضاءة كلها ليدات عشان توفر معاك فى الكهرباء .

خلى بالك بقى من البند دا كويس عشان ممكن تتقلب فيه بكل سهولة بين إنه ليه تقليد كتير وبين الأسعار ، عشان كدا أى حاجة تشتغل بيها خد منها عينة وإنزل اسأل عليها فى السوق خصوصاً اللقم والإسبوتات والكشافات ومتثقش حتى فى المهندس إللى بيشطبلك واسأل وراه خصوصاً فى البند دا .

حاول توزع البرايز والمفاتيح بشكل مناسب عشان هتريحك كتير بعد التشطيب .

متستخدمش أوشاش الكهرباء المعدنية خطر جداً خصوصاً فى الحمامات والمطبخ .

إختار خراطيم الكهرباء غالية وتكون نضيفة ومفهاش وصلات كتير " إشتغل بمواسير علاء الدين الأصلية " .

أهم حاجة بقى واللى هتخليك مرتاح وتخلى شكلك حلو قدام ضيوفك وزع الإسبوتات بشكل مناسب وإهتم بتداخل مصادر الإضاءة يعنى متعتمدش على مصدر إضاءة واحد لازم يكون فى مصدر طبيعى .

إعمل حساب لكل حاجة فى تأسيس الكهرباء عشان متكسرش تانى يعنى لو مش هتركب تكيف أعمل حسابه فى التأسيس لحد مربنا يفرجها .


أهم أفكار الديكور للتصميم والفرشأهم أفكار الديكور للتصميم والفرش


السيراميك

خلى بالك ومتشتغلش بالسيراميك المستطيل لأن بعد فترة بيقوس وبيجير .

بلاش تجيب بورسلين قطع ليزر واشتغل بسيراميك فرز أول هيبقى أفضل .

سيراميك الجوهرة أفضل بكتير من سيراميك كليوباترا .

إشترى سيراميك فرز أول نوع كويس ومحترم ومقاس يكون مربع مش مستطيل للأرضيات .

إستخدم مادة لزق للسيراميك أفضل متلزق بمونة عشان ميفكش بعد سنتين تلاته .

إهتم بسقية السيراميك وإشترى مادة سقية جاهزة وبلاش تستخدم أكسيد .

إحقن الفواصل حولين البانيو والقاعدة والحوض  بمادة حقن فواصل .

ركب سيراميك رخيص فى الغرف وخلى فوقه خشب hdf .

أهم أفكار الديكور للتصميم والفرش


النقاشة والدهانات 

قبل أى كلام لازم تكون عارف إن أشيك دهانات هى الدهانات السادة .

بلاش تشتغل بدهانات مط ودهانات لامعة وإستخدم النص لامعة .

إستخدم دهانات اسكيب وإنت بتأسس وشطب بجوتن .

إختار أبواب شكلها حلو عشان تعرف تدهنها استر ويبقى شكلها حلو .

عالج أى مشكلة فى المحارة قبل متبدأ بسكينة المعجون لو مش عارف تحل مشاكل المحارة إستخدم معجون أسمنتى .

خلى مراتك أو خطيبتك تختارلك الألوان ودا عشان هما بيشوفوا درجات ألوان غيرنا إحنا معشر الرجالة .

متديش معجون قبل متكون مخلص تأسيس السباكة بالكامل وتركب السيراميك عشان الرطوبة .

إستخدم ورق الحائط الكلاسيك الهادى ومتكترش من الثرى دى وحدد إختيارات تناسب الفرش بتاعك .

أهم أفكار الديكور للتصميم والفرش


السباكة 

إشترى قاعدة معلقة لأنها بتدى المكان وسع وتكون سهلة فى النظافة .

إشترى كل الخلاطات والنواكل بتاعت التشطيب والسباك بيأسس عشان متغيرش أو تكسر .

إشتغل بمواسير أكواثيرم فى التأسيس ومواسير الصرف إشتغلها بمواسير الشريف .

بلاش سخان واحد عشان المطبخ والحمام عشان متتلسوعش لما حد يفتح حنفية المطبخ ، وبلاش السخان الفورى فى الحمام عشان بيستهلك كهرباء كتير .

بعد متخلص تأسيس السباكة لازم تجيب شركة محترمة تختبرلك ضغط عشان الوصلات واللحامات وخد منها ضمان مدى الحياة .

إعزل الحمام والمطبخ عزل أسمنتى .

أهم أفكار الديكور للتصميم والفرش


الشبابيك 

إختار شبابيك pvc وبلاش تستخدم الشبابيك الخشب .

إختار نوع قطاع يكون محترم وإختبر العينة إللى هتركب منها قبل متشتغل بيها واسأل على سعرها فى السوق .

فى ألوان كتير للشبابيك بس أغلب الناس بتحب الأبيض أو الأوف وايت .

ركب شاتر على الشبابيك وأبواب البلكونات " لومعاك فلوس وعاوز تصرف "

ركب زجاج دبل لشباك غرفة النوم .

الشبابيك المفصلى حلوة لو إنت شقتك واسعة وهتديك إضاءة وتهوية ، الشبابيك الجرار مناسبة لو الشقة مساحتها صغيرة بس عيبها إنها ضعيفة فى التهوية والإضاءة الطبيعية .

لازم تحقن حوالين الشبابيك من برة فوم ومن جوة سيلكون " لو معاك فلوس "

الزجاج العاكس خلى بالك عشان بليل بيبقى مش عاكس فلازم تستخدم ستاير بلاك اوت .

خلى الستائر بسيطة وبلاش تفاصيل كتير جوة الشقة عشان تعرف تفرش وبلاش البراقع والكرانيش اللى بتركب للستاير .


خلى بالك وانت بتفرش 

إهتم بالليفنج أكتر من الريسبشن عشان إنت راحتك مهمه برده .

هات ترابيزة صغيرة للمطبخ هتنفعك أوى وعلى فكرة دى أهم من ترابيزة السفرة .

الجزامة أهم من النيش والصينى .

ممكن تستخدم الكوريان بديل للرخام فى المطبخ هيبقى شيك جداً .


قبل متروح لمكتب هندسى 

اسأل فى السوق وإعرف الأسعار والخامات ومهما كان مش هتفهم زيهم بس عشان محدش يشتغلك خصوصاً لو مش عارف أساسيات .

متثقش فى صنايعى أبداً ، ومتثقش فى مهندس ثقة عمياء واسأل وراه الله يباركلك .




***********************


***********************

هل اعجبك الموضوع :
author-img
المدير المالى لشركة katilo for dairy products-ca- بمحافظة القاهرة، صانع محتوى محترف ومدير لصفحات السوشيال ميديا ومواقع الويب للعديد من الشركات بمدينة المنصورة ومحافظة دمياط ، مهتم بمجال website design and development ، عضو فى جود فيوتشر لخدمات الشركات ورجال الأعمال .

تعليقات